მამაჩემი დაიმონა სევდამ.
ლოცვა მშველის დედის ანაბარას...

ამიხსენი სათნოების დედავ,
ასე რისთვის გაგვიმეტა მამამ?
მომიყევი დავიბადე ვიდრე,
ღვარძლით როგორ გვიკირწყლავენ სავალს
გვიკითხავენ მოწყალების ტიტრებს,
გვაბარებენ გეჰენიის მთავარს.
ან რას მეტყვი გავიზრდები როცა,
გულის რატომ გვირანდავენ ყავარს..
ჩემთან ერთად ანგელოსი გლოცავს,
ერთით მეტი, ალგეთს ლეკვი, გყავარ.
მაპატიე სათნოების დედავ!
უსუსურად სისხლს და ჰაერს გპარავ.
ჩემი მცველი ამ ცოდვასაც ხედავს
მისი ნებით, თუ მომიხმობს, წავალ.
ოღონდ ახლა დაგვიბრუნდეს მამა!
ოღონდ ახლა დაგვიბრუნდეს მამა!