გული ამოფეთქავს ტანჯვით,
მხოლოდ შენ ისევ მინატრე,
სული ჩაიწვება მკრთალი,
მხოლოდ შენ ისევ გიყვარდე . . .

                              როცა დაგინახავ ღამით,
                              ჩემი ფიქრების მდინარეს,
                              ისევ გავცოცხლდები წამით,
                              კვლავაც ვიბობოქრებ მძინარე . . .

იქნებ შენც გაიგო ყეფა,
ღამით განწირული მგლისა,
იქნებ შენც მინატრო წამით,
ვით მთვარეს მოსვლა დღისა . . .

                              უფალს ვევედრები მფარველს,
                              მხოლოდ პატიებას ვითხოვ,
                              იქნებ გამიმართლოს ბედმა,
                              შენი ღირსეული ვიყო . . .

ამ ღამით როდესაც მოთოვს,
მე ყოველ ფანტელში მიგრძნობ,
ნაზად გაგიყინავ ცხვირს და
ტუჩზე დაგადნები თითქოს . . .

                              ფიფქად დაგეცემი მხარზე,
                              ყურში ჩაგჩურჩულებ ჩუმად :
                              - აღარ მოგცილდები წამით
                              და შენ მეყვარები მუდამ . . .