მე ვაჟაზე კუშტი ვარ და
ფშაველაზე სევდიანი,
ჩემი მუზის თავწყაროც ხომ
ეს ამაყი მთები არის...

აკაკიზე ლაღი ვარ და
წერეთელზე მომღიმარი,
იმერელი არ ვარ თორემ
სულიკოს მღერს ჩემი ქნარიც...

ტერენტიზე ტანჯული ვარ
და გრანელზე ცოტა მეტი,
მხარზე მუზა დამაფრინდა,
როგორც მუგამედის მტრედი...

პაოლოზე ამაყი ვარ
იაშვილზე დონჟუანი,
დარიანულ დღიურებზე
დარდობს ჩემი წმინდა ქნარიც...

ტიციანზე ბუნჩულა ვარ
ტაბიძეზე ღიპიანი,
მნახავთ იტყვით გაოცებით
ტიციანზე დიდი არი!

გოგლასავით ბუბუნა ვარ,
ლეონიძის კუთხის შვილი,
გოგლასავით ტალავრი ქვეშ
მიყვარს სმა და ტკბილი ძილი...

გალასავით პირველი ვარ,
პოეზიის მეფეთ თქმული,
ეს ლექსები გენაცვალოთ,
ფული ფული მინდა ფული...