დაღამებულზე გვიყვარს მე და შენ  ცაში ყურება ,
და ფიქრი იმაზე საიდან მოვედით,
შენ  ვარსკვლავებს არჩევ  და მთხოვ
სახელები მოვუგონოთ  მათ,
რომლებსაც სხვებმა უკვე დაარქვეს სახელი.
მიყვარს შენთან ერთად  მათ  სახელზე ფიქრი,
თუმცა ვიცი რომ  მაინც არ დამიჯერებ
და იმ სახელს დაარქმევ რაც შენ მოიგონე. 
კიდევ ერთხელ  გამაოგნებ,
როცა დამანახებ ცაში, კაშკაშა მნათობს.
და მივხვდები,  რომ შენ მისი სახელი გაიხსენე,
და ჩვენ  ვცხოვრობდით იქ ,
სადაც შეიძლება ეხლაც ცოცხლები ვართ
და ვუყურებთ კაშკაშა ვარსკვლავს, 
სახელად მზეს...
გამთენიას კი, როცა ჩვენი მზეების  პირველი სხივები,
თვალს გვჭრის და გვახსენდება  მათვის დარქმეული  სახელები,
ჩვენ გვეღიმება და სახლში შევდივართ.