მე რომ მოვკვდები, დამიტირებენ,
ცრემლით დასველდება მიწა,
დრო გავა, შვილნიც დამივიწყებენ,
კვერცხს კი შეღებავენ წითლად.

ჩემი დაკრძალვა სევდას არ იხმობს,
სული თან გამყვება ობოლს,
სახელს, დიდებას, ძეგლებს არ ვითხოვ,
ტირიფი დამირგეთ მხოლოდ.

ძმები მოვლენ და თავებს დაწევენ,
ჭიქას წამიქცევენ მრავლად,
მხოლოდ სუფრაზე გამიხსენებენ,
ტირიფი მიტირებს მარად.

ახლა ვუყურებ მჭმუნავ ტირიფებს,
მეც ხომ მოვკვდები ბოლოს?!
ძმებო შემპირდით, რომ არ მიტირებთ,
ტირიფი დამირგეთ მხოლოდ . . .