მზეც მინახავს, სავსე მთვარეც,
ცა კაშკაშა ვარსკვლავებით,
მოხატული არემარეც,
ყვავილნარის ნაწნავებიც.
ზღვის ტალღები მოლივლივე,
ცისარტყელა შვიდი ფერით,
მდელო მწვანედ მობიბინე,
მოფენილი გვირილებით.
სად არ ვიყავ, რა არ ვნახე,
მოვიხიბლე ბევრის ეშხით,
მაგრამ შენ რომ დაგინახე,
მაგრამ მაშინ შენ რომ შეგხვდი..
დამავიწყდა ყველა რაც კი
ტრფობის შევსვი თასი სავსე
მივხვდი მხოლოდ ერთადერთი
შენი სიყვარული მავსებს.