სამართებელი მომიტანეს, დაასრულეო!
    ვენებს ვინ ჩივის, თვალის გაჭრა მომთხოვეს მე, ბრმას.
    ამ ოთხი კედლით საკმარისად დაგაპურეთო,
    ახლა გვიზღეო, დაეჩვივნენ ცოცხალთ სისხლის სმას.
    თეთრი კედლები უნახატო ჩარჩოს უვლიან,
    ჩემი პერანგი უკუღმართად დააბეს თასმით.
    სიზრების მიღმა წლების ვნებას გადაუვლია
    და სამართებლით დავასრულებ თვალთან,
                                          სულ ერთი გასმით.
    მე ხომ, ბრმა ვარ,
    რას მერჩით.
    ჯაჭვით დაბმული ბრმა რკინის მაგიდაზე.
    თეთრი ფარდაგებით დაცული ფანჯრების უკან მწოლიარე ბრმა.
    გისოსები? არა!
    გაქცევა არ მინდა!