მომიახლოვდა უკვდავი ცელით,
წამიყვანს სადაც არვის ელიან,
ზოგჯერ ვიყავი მეც კაცისმკვლელი,
-ყველა ჩემს გარდა კაცისმკვლელია...

ვიყავი უცხო, ნაცნობიც ვიყავ,
მღიმარი ცრემლსაც ვიშრობდი ჩუმად,
ახლა მტირალი საფლავში მივყავ
სველი ფოთლები მაქვს აბრეშუმად...

მიყვარს თამაში, ბედის სიცელქე,
შეცდომა ვის არ მოსვლია ნეტა?
ამაღამ დიდი რიდით ვიცეკვე,
ხვალ სიმღერასაც რიდით გავბედავ...

სიკვდილო აბჯარს ვერც კი ამყრიდი,
ამ ოცნებით გულს რომ ეთარეშა,
სახლ-კარს კი არა სულსაც გავყიდდი
ერთხელ სცენაზეც რომ მეთამაშა....