URAKPARAKI

ავტორი: ლელა-65
ჟანრი: პოეზია
4 ოქტომბერი, 2010

წყალმა არ წაგშალოს იეროგლიფივით...

დააჩნდა მზის სხივებს სიყვითლე გვირილის,
ტყეა და სილურჯეს თვალს აჩვევ რაც უფრო,
სიცოცხლე, რომელიც არაფრად მიღირდა,
ლამის დღეს შლეგურმა აზრებმა დათოფონ.

და სახიფათოა თან მაინც თამაშობ,
ძელზე სვამ სინდისსაც გრძნობების ურდოში.
შენ აქ ხარ, სულ ახლოს და ისე დგახარ შორს,
გსურს, მზერას სადავე ბოლომდე მიუშვა.

ჩაგვაკვდა ხელებში ეს დღე და ეს არის...
დავბრუნდეთ ქალაქში ვიდრე ჯერ ატყვია
ტანს სველი სიგრილე, გვირილებს ცის ნამი..
ვიცი, დამნაშავე ივნისის ხვატია...

მზე გამოგვეპარა ტყიდან და ქალაქში
გამგუდავს სპაზმები, ჰაერის მათხოვარს.
ან იქნებ მეგონოს სიზმარში ნანახი
ღამემ რაც ჩვენგან და ჩვენიდან დატოვა.

ბალახის სურნელად მზე შემრჩა სხეულზე,
არ ვიცვლი, გაუხდელს, სამოსად ვიფერებ.
პირსაც არ დავიბან მე დღეს, რომ მზე უცებ,
წყალმა არ წაშალოს იეროგლიფივით.

გადმოწერეთ PDF ფორმატში

კომენტარები

ილუსტრაციები

რეცენზიები

66. +2

ნუნუნუნუ. 2010-11-07 23:52:26

65. მომეწონა აქ!
მზე და კესანები ჩემგან....

კესანე. 2010-10-29 00:57:18

64. ლელა, არაჩვეულებრივი ლექსია!!!!!!! ძალიან-ძალიან-ძალიან მომეწონა!!! :)

წარმატებებს გისურვებ, ჩემო კარგო! მრავალი ასეთი ლამაზი ლექსი დაგეწეროს! :)

იმდენი ლამაზი სიტყვა ამოვიკითხე, რომ შემოქმედებითი სიამოვნება მივიღე :)

მაკაგელაშვილი. 2010-10-15 12:48:06

63. :)

ლელა-65. 2010-10-14 18:04:41

62. კარგი ლექსია ლელა მაგრამ რითმები მოისუსტებს:)

მერაბ ჯიხაძე. 2010-10-14 18:04:01

61. უმშვენიერესი ლექსია, როგორც ყოველთვის!

მაკა კოლხი. 2010-10-08 06:14:16

60. ვაიმე ,რ უქნეს ლექსს? ასეთი კრიტიკას ვერ ვიტან :)

ლექსი მახსოვს და უკუღმაც რომ წაიკითხონ შენი ლექსები,ემოციები ამოაბრუნებებ თავისით,კი არ იციან :D

ანემონე. 2010-10-07 17:15:03

59. ჩაგვაკვდა ხელებში ეს დღე და ეს არის...
დავბრუნდეთ ქალაქში ვიდრე ჯერ ატყვია
ტანს სველი სიგრილე, გვირილებს ცის ნამი..
ვიცი, დამნაშავე ივნისის ხვატია...

ლამაზია ძალიან და განწყობა ნაცნობი:)

მოყვარული. 2010-10-07 14:44:23

58. მშვენიერია და ლამაზი მართლაც...

ირაკლი ყალიჩავა. 2010-10-06 15:29:54

57. მე აზრი მომწონს ყოველთვის პოეტის! 5555

პეტრე. 2010-10-06 03:16:08

56. :) ლელა.........
მე წავიკითხე ეს მშვენიერი ლექსი :)

რობერტ მესხი. 2010-10-05 23:57:51

55. მზე გამოგვეპარა ტყიდან და ქალაქში
გამგუდავს სპაზმები, ჰაერის მათხოვარს.
ან იქნებ მეგონოს სიზმარში ნანახი
ღამემ რაც ჩვენგან და ჩვენიდან დატოვა.
5555555555555

დრო მოვიდა. 2010-10-05 19:46:11

54. პირსაც არ დავიბან მე დღეს, რომ მზე უცებ,
წყალმა არ წაშალოს იეროგლიფივით.

მომეწონა, ლელა, ძაალიან მომეწონა... არ წააშლევინო წყალს მზე:)

ნია-კო. 2010-10-05 09:45:35

53. გამაღიმეთ:) ადრევე ველოდი თქვენს კომენტარს, მაგრამ დაიგვიანა და იმიტომ მომიწია უკან შემობრუნება.... თამაში რა მოსატანია :) მე ყოველთვის გამახარებს მომავალშიც თუ ვიხილავ თქვენს კომენტარს ჩემს ლექსზე გაიხარეთ :)

ლელა-65. 2010-10-05 09:01:23

52.

42. აი ახლა თქვენმა კომენტარამ შემომაბრუნა ბატონო თენგიზ.... ლექსის ასე წივწივაძისებურად ახსნა ცოტა არ იყოს მეხამუშება ხოლმე ყოველთვის მე ... . ლექსი პროზა არ არის ის იტევს "უზუსტობებს" აბა ახსენით: " უცებ მოყვება ჭარხალი ხარხარს" ჭარხალი ვერც ერთ შემთხვევაში ვერ იხარხარებს მაგრამ ხომ ლამაზადაა ნათქვამი ? ამასი ვერ სემედავებით პოეზია არაზუსტი მეცნიერებაა და მეტაფორების ლოგიკურად განსჯისაგან მე პირადად შორს ვარ... დიდი მადლობა რომ გაისარჯეთ და ამხელა კომენტარი დამიტოვეთ. მახარებს ეს მე... ამ საიტზე ჭირს გულწრფელი სიტყვა და თუნდაც ამიტომ....კიდევ ერთხელ დიდი მადლობა და ყოველთვის სიამოვნებით დაველოდები თქვენს კომენტარებს შემდეგშიც
ლელა-65. 2010-10-04 23:02:27

ჩემმა კომენტარმა რომ შემოგაბრუნა აქ ლელავ, ეჭვი არ მეპარება, დაგიჯერებს გულუბრყვილო მკითხველი, მაგრამ ეს რაღაა?

შეიძლება გთხოვოთ :) ძველი ლექსი დავდე და ერტ ფრაზას მაინც თუ გამოარჩევტ რომელიც მოგეწონებათ დამიკოპირეთ და დამიდეთ კომენტარებში თუ არ შეწუხდებით ამას დიდი მნიშვნელობა აქვს ახლა ჩემთვის...ოღონდ კომენტარებში.. კიდევ ერტხელ ბოდიში
უპასუხეთ >>>
2010-10-04 19:26

მიაქციე ყურადღება შენგან, პირადულში უკვე მერამდენე თხოვნის ქვემოთ დასმულ თარიღს და დროს, და ჩემი კომენტარის ქვემოთ დასმულს.

შენგან, თხოვნა კომენტარის გაკეთების ლექზედ - 2010-10-04 19:26

ჩემგან, კომენტარი ------------------------ თენგიზი. 2010-10-04 22:56:55

რაიმე თამაშში მითრევთ ქალბატონო? კარგი, იყოს ნება თქვენი, მაგრამ პირობები მაინც გამაცანით, წესები რაიმე, მაგ თქვენი თამაშის, თორემ მომეკიდოს ხელი თქვენზე არასწორად, ხომ შევრცხვი ეს ბებერი კაცი ამდენ ხალხში.
აქვე გეტყვი, - არ მაქვს მე არანაირი სურვილი რაგინდარა ვინმესთან თამაშის და ხომ არ სჯობს, - იქნებ ამაცილო ეგ ყოველი.

თენგიზი. 2010-10-05 02:59:00

51.
აჰა, ახლა მივხვდი, რომ ბოლო სტროფის პირველ ბწკართან უნდა დამეკავშირებინა. გავიგე, გავიგეეე;;) და "გავაოფე" კიდევაც.

მოკლედ, კარგი ლექსია ეს.

თეა თაბაგარი. 2010-10-05 00:35:40

50.
კომენტარებსაც ვერ ვკითხულობ ახლა. მხოლოდ ამას მოვკარი თვალი:

არაა ეგ გვარია ჩემი კაცო
ლელა-65. 2010-10-04 23:49:56

გავიგე და ვიცინე კიდევაც:))

თეა თაბაგარი. 2010-10-05 00:33:46

49.
მომეწონა, კარგია. რამდენიმე ფრაზაც გამოვარჩიე:)
"პირსაც არ დავიბან" - ეს კი ვერ დავაკავშირე ფინალთან. შეიძლება იმის ბრალია, რომ მეძინება;;)

თეა თაბაგარი. 2010-10-05 00:32:26

48.

უდაოდ "საინტერესო" კომენტარი ლაცაბიძე გიოსი და უდაოდ საინტერესო კომენტარი ბატონი თენგიზის!!!

ლექსის ძირეულად განსჯა მარტივი საქმე ვიდრე პროზისა რადგან არ არის "ოზა" გამოსაკლები "უწუნ" დასამატებელი....

"უწუნ" ასოცირდება დაწუნებასთან. არ მოგეწონა მოთხრობა, შეიძლება ის კრიტიკის ქარცეცხლში გაატარო, მაგრამ ლექსი სხვა მენომენია და გაცილებით მჩატე მეტაფორებით იხუნძლება-ხოლმე, რაც მეტ სიხავისეს ჰმატებს, მას, თუნდაც ის სენტიმენტური ელფერის მატარებლად მოგვევლინოს.
კონრეტული შემთხვევა არ ასახავს ფართო განშტოებით მასალას, პირიქით, ის ხანმოკლე და მგრძნობიარე უფროა!!! გრძნობებში ძრომიალს, რომელიც გაცილებით ფართოა და შემეცნებითი, ლექსში ინდივიდის ადგილი უჭირავს. ლექსის ფორმაცია და სტრუქტურა ისევე პირადულია, როგორც კალმის უმელნობა!!! უბრალოდ ვერ დაწერ...
ჩემთვის ლექსი, ერთი დიდი ერთობლიობაა პოეტისა და მისი გასაჭირისა!!!

"სოცოცხლე რომელიც არაფრად მიღირდა,
ლამის დღეს შლეგურმა აზრებმა დათოფოს"

მეტაფორა, რომელიც იკვეთება, აზრობრივად არ ეწინაღმდეგება, ჩემის მოკრძალებული აზრით, დასაწყისს, რადგან განწყობა პოეტისა ნათელ ჰყოფს სივრცულ შეგრძნებებს, რომელიც ასე წუხილით იმზირება გონებიდან "შლეგურ აზრებად"...

ვფიქრობ მეტ განმარტებას არ ითხოვს!!!
ასეთივე შინაარსობრივი დატვირთვით გრძელდება ლექსი!!!
ჩემი სიმპათიები როგორც ავტორის მიმართ ასევე ბატონი თენგიზის მიმართ, არანაკლებ დიდ პატივს ვცემ მის შემოქმედებას და თავად მას!!!
ჩემი მოწონება ლექსს!!!

გაიხარე შენა!!!

გიგო. 2010-10-05 00:06:57

47. საიდან მახსოვს ეს ლექსი? ალბათ მტვრალი ვიყავი.
ლელა, 65 რატო? ამდენი ლექსი დაწერე?
დათო ბარქაია. 2010-10-04 23:40:02

არაა ეგ გვარია ჩემი კაცო :))

ლელა-65. 2010-10-04 23:49:56

46. ბალახის სურნელად მზე შემრჩა სხეულზე,
არ ვიცვლი, გაუხდელს, სამოსად ვიფერებ.
პირსაც არ დავიბან მე დღეს, რომ მზე უცებ,
წყალმა არ წაშალოს იეროგლიფივით.

ამ ლექსმა ადრეც დამამახსოვრა თავი :) ნუ ჩემთვის გამორჩეული პოეტესა ხარ! :)

ია-ია. 2010-10-04 23:41:57

45. და სახიფათოა თან მაინც თამაშობ,
ძელზე სვამ სინდისსაც გრძნობების ურდოში.
შენ აქ ხარ, სულ ახლოს და ისე დგახარ შორს,
გსურს, მზერას სადავე ბოლომდე მიუშვა.

მაიდეეევს. 2010-10-04 23:40:35

44. საიდან მახსოვს ეს ლექსი? ალბათ მტვრალი ვიყავი.
ლელა, 65 რატო? ამდენი ლექსი დაწერე?

დათო ბარქაია. 2010-10-04 23:40:02

43. ლელა ფავორიტო :)

დავით კამკამიძე. 2010-10-04 23:20:30

42. აი ახლა თქვენმა კომენტარამ შემომაბრუნა ბატონო თენგიზ.... ლექსის ასე წივწივაძისებურად ახსნა ცოტა არ იყოს მეხამუშება ხოლმე ყოველთვის მე ... . ლექსი პროზა არ არის ის იტევს "უზუსტობებს" აბა ახსენით: " უცებ მოყვება ჭარხალი ხარხარს" ჭარხალი ვერც ერთ შემთხვევაში ვერ იხარხარებს მაგრამ ხომ ლამაზადაა ნათქვამი ? ამასი ვერ სემედავებით :) პოეზია არაზუსტი მეცნიერებაა :) და მეტაფორების ლოგიკურად განსჯისაგან მე პირადად შორს ვარ... დიდი მადლობა რომ გაისარჯეთ და ამხელა კომენტარი დამიტოვეთ. მახარებს ეს მე... ამ საიტზე ჭირს გულწრფელი სიტყვა და თუნდაც ამიტომ....კიდევ ერთხელ დიდი მადლობა და ყოველთვის სიამოვნებით დაველოდები თქვენს კომენტარებს შემდეგშიც :)

ლელა-65. 2010-10-04 23:02:27

41. პ.ს. აქვე, ვიტყვი, რომ არ შემიძლია არ დავეთანხმო დავით შემოქმედელის ამ მოსაზრებას, - " თანამედროვე, ახალგაზრდა, ნიჭიერი კონვენციონისტი ონლაინ პოეტების ენერგია, რითმასთან დამოკიდებულება და სიახლისადმი სწრაფვა ჩანს ამ ლექსში, ამასთან ავტორი ინარჩუნებს საკუთარ ხმას"... საკუთარი ხმის შენარჩუნება კი ერთეულებს ძალუძთ და იგი მათს ნიჭიერებაზე მეტყველებს უცილობელ.

თენგიზი. 2010-10-04 22:56:55

40. დააჩნდა მზის სხივებს სიყვითლე გვირილის...

მზე გამოგვეპარა ტყიდან და ქალაქში
გამგუდავს სპაზმები, ჰაერის მათხოვარს...

ბალახის სურნელად მზე შემრჩა სხეულზე..

ლამაზია.

საერთოდ, დამაშინა მიმთითებელი კომენტარების წერამ, მაგრამ გავბედავ და აქ, გესაუბრები ( ნუ მიწყენ შენობით საუბარს) იმაზე, რისი შესწორება-შესხვაფერებაც ჩემი აზრით არ ავნებდა ამ ლამაზ ლექსს (ჩემი აზრით და არა აუცილებლად).

...ლამის დღეს შლეგურმა აზრებმა დათოფონ...

1. შლეგურმა აზრებმა - ჩემთვის შლეგური, უფრო მეტად ვნებებია (ქმედებები) და თუ ავტორს აქ "აზრებზე" სურს ისაუბროს, მე აზრებს სხვა სიტყვას მოვუძებნიდი საწყვილოდ...

...ძელზე სვამ სინდისსაც გრძნობების ურდოში...

2. ძელზე დასმა, ალბათ ყველას წარმოგვიდგენია, თუ რაც უნდა იყოს. სინდისის ძელზე დასმა ცოტა დამაფიქრებელი გარემოებაა. მე თუ მკითხავ ჩემო კეთილო ავტორო, მაგ. "სინდისს გავაკრავდი ჯვარზე" (როგორც ეს ოდესღაც იყო მიღებული) ან სხვა რამეზე, შესატყვისზე...

...ვიცი, დამნაშავე ივნისის ხვატია...

3. კუპლეტის დანარჩენი, სამი სტროფის მიერ გადმოცემულ აზრს თუ დავეყრდნობოდით, მაშინ მეოთხეს (განსახილველს) ფრჩხილებში მოვაქცევდი, რაც ჩემი აზრით მას სხვა დანარჩენისაგან გამოჰყოფდა და კერძო მნიშვნელობას მისცემდა...

გამგუდავს სპაზმები, ჰაერის მათხოვარს...

4. სპაზმები და მისგან გაგუდვა გასაგები და ბუნებრივი მოვლენაა, მაგრამ ზემორე მშვენიერებაში მისი ჩართვა-შერევა, ჩემი ყურისათვის სახამუშოა. ამ გრძნობას რაიმე სხვა სიტყვით გადმოვცემდი.

პირსაც არ დავიბან მე დღეს, რომ მზე უცებ,
წყალმა არ წაშალოს იეროგლიფივით...

5. თავისთავად, მზესთან დაკავშირებული პირის ბანვა (თითქმის ასეთად ასოცირდა სიტყვათა ეს წყობა ახლა ჩემში) არახალია და მიღებული ფორმაც კია ჩვენს ლიტერატურაში. მაგრამ, პირის დაუბანლობა, იმიტომ, რომ რაიმე (მოვლენა) არ მოხდეს, ვერ მაძლევს ლექსის ამ ადგილის კმაყოფილად შეხედვის საშუალებას.

აი სრულად ის, რაც ჩემი აზრით, ავტორისათვის ლექზე მუშაობის გაგრძელების სტიმულად, შესაძლოა იქნეს მიღებული... იქნებ გღლი, მაგრამ მინდა გავმეორდე და ვთქვა, რომ ზემოთ თქმული მხოლოდ ჩემი ხედვის ნაყოფია და ამდენად მას არანაირი პრეტენზიულობის საფუძველი არ გააჩნია.
მინდა გისურვო წარმატებები შემოქმედებით საქმიანობასა და პირად ცხოვრებაში.

თენგიზი. 2010-10-04 22:50:32

39. იეროგლიფის ხარისხს გააჩნია და მონდომებას

დაისი. 2010-10-04 22:50:11

38. კაი აბა წყლით თუ არა იქნებ სალიარკით წაიშალოს ჰა? ::)

ლელა-65. 2010-10-04 22:44:05

37. შენ აქ ხარ, სულ ახლოს და ისე დგახარ შორს,
გსურს, მზერას სადავე ბოლომდე მიუშვა.

ჩაგვაკვდა ხელებში ეს დღე და ეს არის...

აისს დაისი მოყვება და პირიქით, ასე დაუსრულებლად...ხოდა ასეთი ლექსივით ემოციურია მისი ავტორის რისხვა-სიყვარულიც...იეროგლიფი ასე ადვილად არ იშლება ოღონდაც :) 5555555555

დაისი. 2010-10-04 22:41:32

36. ლამაზია ლელა და მომეწონა მე:)+2

მაკა_ბაიაძე. 2010-10-04 22:28:16

35. დიდი მადლობა ბატონო დავით, ცოტა არ იყოს გავწითლდი ახლა...:)

ლელა-65. 2010-10-04 21:59:31

34. თანამედროვე, ახალგაზრდა, ნიჭიერი კონვენციონისტი ონლაინ პოეტების ენერგია, რითმასთან დამოკიდებულება და სიახლისადმი სწრაფვა ჩანს ამ ლექსში, ამასთან ავტორი ინარჩუნებს საკუთარ ხმას.55555555

დავით შემოქმედელი. 2010-10-04 21:56:26

33. კარგია ლელა+7 და მოგიკითხე

დავით მოსეშვილი. 2010-10-04 21:46:47

32. მეც :-*

ლელა-65. 2010-10-04 21:43:19

31. მიყვარხართ ძალიან :-*

ის..... 2010-10-04 21:41:29

30. მზე გამოგვეპარა ტყიდან და ქალაქში
გამგუდავს სპაზმები, ჰაერის მათხოვარს.
ან იქნებ მეგონოს სიზმარში ნანახი
ღამემ რაც ჩვენგან და ჩვენიდან დატოვა.

კარგია ++

დავით ჯიმშიაშვილი. 2010-10-04 21:36:03

29.
მზე გამოგვეპარა ტყიდან და ქალაქში
გამგუდავს სპაზმები, ჰაერის მათხოვარს.
ან იქნებ მეგონოს სიზმარში ნანახი
ღამემ რაც ჩვენგან და ჩვენიდან დატოვა.
55555

პაპუნა_გიორგაძე. 2010-10-04 21:10:41

28. +

ზაზა ბათუმელი. 2010-10-04 20:57:25

27. მშვენივრად ახსენი სერგეი... ბადლობა მეგობარო :)

ლელა-65. 2010-10-04 20:55:14

26. არ ვიცი, მეჩვენება თუ მართლა ასეა , სტილი იგივეა , რაც გახასიათებს , თემაც ისაა , რაღაც უბრალო ,მაგრამ ხელს რომ ვერ შეახებ , რაღაც ინტიმური თითქოს , არ ვიცი ...
მაგრამ ქვეცნობიერად რომ ეთანხმები ... გასაგები თითქოს და თან გაუგებარი , რაღაც ,არ ვიცი ამას რა ქვია, შინაგანი რიტმი და ასინქრონული რითმები.
მიჭირს ახსნა , ან იქნებ უკვე ავხსენი , მაგრამ არ მეყო სიტყვები . ლექსი ხომ მარტო სიტყვები არაა .
5.

სერგეი. 2010-10-04 20:53:19

25. მომეწონა როგორ!!!

შოში. 2010-10-04 20:33:53

24. თუ გინდა თოფი დეგეცა (სპეციალურად ვწერ ამ სიტყვას) ჩემთვის და თუ გინდა ეს ლექსი დაგედო აქ! შინაარსი ძალიან მომწონს, შენეულია, მაგრამ ცოტა რითმები მეხამუშა...

gugua. 2010-10-04 20:10:34

23. ხიხ ...;) :)

ლელა-65. 2010-10-04 20:03:08

22. შემოდგომისთვის დამახასიათებელი დეპრესიული განწყობაა,
ექვემდებარება მკურნალობას!:)

მედეა მოლოდინი. 2010-10-04 20:02:24

21. ბალახის სურნელად მზე შემრჩა სხეულზე,
არ ვიცვლი, გაუხდელს, სამოსად ვიფერებ.
პირსაც არ დავიბან მე დღეს, რომ მზე უცებ,
წყალმა არ წაშალოს იეროგლიფივით.
ძალიან, ძალიან შთამბეჭდავია, მთლიანობაშიც ლექსი_მომეწონა, მართლა:)
წარმატებებს გისურვებ:)

ლელა ცუცქირიძე. 2010-10-04 19:58:37

20. ჩაგვაკვდა ხელებში ეს დღე და ეს არის...

ბალახის სურნელად მზე შემრჩა სხეულზე,

მთლიანად ემოციური ლექსია, მგრძნობიარე და ლამაზი. ეს ემოცია ისე შემოდის, რომ მკითხველს განაცდევინებს თითქოს ყველაფერს. ეს ორი ფრაზა კი რაც გამოვყავი განსაკუთრებით ვიგრძენი მე.

ანანე კიკნაძე. 2010-10-04 19:57:46

19. დააჩნდა მზის სხივებს სიყვითლე გვირილის,
ტყეა და სილურჯეს თვალს აჩვევ რაც უფრო,
სიცოცხლე, რომელიც არაფრად მიღირდა,
ლამის დღეს შლეგურმა აზრებმა დათოფონ.

და სახიფათოა თან მაინც თამაშობ,
ძელზე სვამ სინდისსაც გრძნობების ურდოში.
შენ აქ ხარ, სულ ახლოს და ისე დგახარ შორს,
გსურს, მზერას სადავე ბოლომდე მიუშვა.

ჩაგვაკვდა ხელებში ეს დღე და ეს არის...
დავბრუნდეთ ქალაქში ვიდრე ჯერ ატყვია
ტანს სველი სიგრილე, გვირილებს ცის ნამი..
ვიცი, დამნაშავე ივნისის ხვატია...

მზე გამოგვეპარა ტყიდან და ქალაქში
გამგუდავს სპაზმები, ჰაერის მათხოვარს.
ან იქნებ მეგონოს სიზმარში ნანახი
ღამემ რაც ჩვენგან და ჩვენიდან დატოვა.

ბალახის სურნელად მზე შემრჩა სხეულზე,
არ ვიცვლი, გაუხდელს, სამოსად ვიფერებ.
პირსაც არ დავიბან მე დღეს, რომ მზე უცებ,
წყალმა არ წაშალოს იეროგლიფივით.

ვერცერთი სიტყვა ვერ გამოვტოვეეეე!!!!!!!!!!!!!!!

არაჩვეულებრივი....ჩემთან მოვიდა ახლოს :)

ლიკა ჭელიძე. 2010-10-04 19:34:41

18. შენ აქ ხარ, სულ ახლოს და ისე დგახარ შორს,
გსურს, მზერას სადავე ბოლომდე მიუშვა.

რენუარი. 2010-10-04 19:18:29

17. "სიცოცხლე, რომელიც არაფრად მიღირდა,
ლამის დღეს შლეგურმა აზრებმა დათოფონ." საყვარელია.....
ხშირად ვყოფილვარ მსგავს განწყობაზე..... :)

აურა. 2010-10-04 19:09:11

16. ეეე სუზი სუზიიი შენი გამოსწორება არ იქნება ;):-*

ლელა-65. 2010-10-04 19:06:51

15. მაგრამ სხვები არ მომწონს :))

სუზზი. 2010-10-04 19:05:44

14. მშვენიერი ლექსია :)
შემიძლია თამამად ვთქვა რომ თუ ამ გვერდზე რამე წამიკითხავს, ალბათ ყველას სჯობს :)

სუზზი. 2010-10-04 19:04:14

13. მზე გამოგვეპარა ტყიდან და ქალაქში
გამგუდავს სპაზმები, ჰაერის მათხოვარს.
ან იქნებ მეგონოს სიზმარში ნანახი
ღამემ რაც ჩვენგან და ჩვენიდან დატოვა.

ძალიან მომწონს, მოგიკითხე ;)

დაკარგული. 2010-10-04 19:02:31

12. ძალიან ლამაზი ლექსია, შინაარსობრივადაც და ფორმითაც ...
უამრავი აპლოდისმენტი :)

ლ. ლორია. 2010-10-04 18:59:14

11. "ბალახის სურნელად მზე შემრჩა სხეულზე,
არ ვიცვლი, გაუხდელს, სამოსად ვიფერებ."

"შენ აქ ხარ, სულ ახლოს და ისე დგახარ შორს,
გსურს, მზერას სადავე ბოლომდე მიუშვა."

ძალიან ლამაზია და საერთოდაც, კარგი ლექსია
+2

გურანდა აჩელაშვილი. 2010-10-04 18:49:10

10. და სახიფათოა თან მაინც თამაშობ,
ძელზე სვამ სინდისსაც გრძნობების ურდოში.
შენ აქ ხარ, სულ ახლოს და ისე დგახარ შორს,
გსურს, მზერას სადავე ბოლომდე მიუშვა.

ძალიან კარგია ლელა...

5

ა___ჩ___ი. 2010-10-04 18:40:34

9. "ბალახის სურნელად მზე შემრჩა სხეულზე,
არ ვიცვლი, გაუხდელს, სამოსად ვიფერებ.
პირსაც არ დავიბან მე დღეს, რომ მზე უცებ,
წყალმა არ წაშალოს იეროგლიფივით."

ლამაზსახეებიანი ლექსი...
++

მარი სადღობელაშვილი. 2010-10-04 18:35:08

8. მომეწონა... :)
ამ გვერდიდან ყოველთვის კმაყოფილი გავდივარ... :)
+5. :)

ლიკა_ოხანაშვილი. 2010-10-04 18:32:44

7. + კარგია. მე მომწონს +

ზმნა. 2010-10-04 18:32:08

6. ხო ეს ძველი ლექსია ლაა... უბრალოდ დავადე რა ...;)

ლელა-65. 2010-10-04 18:25:54

5.
და სახიფათოა თან მაინც თამაშობ,
ძელზე სვამ სინდისსაც გრძნობების ურდოში.
შენ აქ ხარ, სულ ახლოს და ისე დგახარ შორს,
გსურს, მზერას სადავე ბოლომდე მიუშვა.

თუნდაც ამისი რითმები რად ღირს?!

დავბრუნდეთ ქალაქში ვიდრე ჯერ ატყვია
ტანს სველი სიგრილე, გვირილებს ცის ნამი..

მშვენიერი მხატვრული სახეა!

ნამდვილად კარგი ლექსია! მე მომეწონა! :)
555!

ილტოსპირელი.... 2010-10-04 18:25:24

4. სხვები ბევრად მომწონს ლელა თქვენი +2 :-*

თაკა სელეპანიშვილი. 2010-10-04 18:24:12

3. +2

ოთარ რურუა. 2010-10-04 18:21:54

2. ბალახის სურნელად მზე შემრჩა სხეულზე...

ლამაზია....

მელოდია ქარში. 2010-10-04 18:21:13

1. მე არ მომეწონა.

ლაცაბიძე გიო. 2010-10-04 18:19:19