წმინდაო ღმერთო, მომეცი ძალა,
რათა ამ ქვეყნად ვიარო ისე,
კაცთა მოდგმისთვის სიკეთე ვთესო,
ბოროტება კი აღვკვეთო მყისვე.

დიდხანს სიცოცხლეს არ ვნატრობ, არა,
მხოლოდ, ვიცხოვრო ცოტა ხნით ისე,
ვხედავდე ირგვლივ როგორ ივსება
სიყვარულით და სიცოცხლით სივრცე.

სხვას არას ვითხოვ, ფიქრადაც არ მაქვს,
ყველაფერს დავთმობ, ყველაფერს მივცემ,
მხოლოდ, ერთი მსურს, ჩემი ქვეყნისთვის
შევძლო, გადავდგა ნაბიჯი მტკიცე.