დამისხით ღვინო,იქნებ ვიგრძნო ძალა აღმართის,
თამბაქოს კვამლმა,ეგებ ღამე გამათევინოს.
დამალევინეთ,გეხვეწებით დამალევინეთ!
ოღონდ არცერთი სადღეგრძელო არ მათქმევინოთ.
მე ახლა მივხვდი თუ რად სვამენ ღვინოს კაცები,
თამბაქოს კვამლში რად ავევენ მზერას ნაღვლიანს,
შეეშინდებათ სიფხიზლეში მუხლზე დაცემა,
გააბოლებენ და პასუხის ფრთებით დაქრიან.
მე უღვინოდაც ყოველ დილით ვხვდები ალიონს
და შენი სუნთქვა მახვევია გულზე რკალივით,
შენი სიცოცხლის სადღეგრძელო მინდა დავლიო
და შენი სული ჩავისუნთქო რუხი კვამლივით,
დამალევინეთ!გეხვეწებით დამალევინეთ!!!