ღვინისფერი ღამე 
  იღიმება ღვინისფერი ღამე,
  წყალზე დნება ხიდის ბნელი რკალი,
  თმაგაშლილი ცეკვავს ხეთა ჩრდილი
  და აჩრდილი მთვარესავით მთვრალი

  ხეივანში მიირწევა ქარი,
  ფოთლებს ეკვრის დანისლული ფითრი,
  იღიმება ღვინისფერი ღამე,
  ცაზე ღრუბლის ნაფლეთები მიქრის 
 
                                ***

          წვიმს უსულდგმულო ბაღების თავზე,
          დუმილი ფეთქავს განმატოებით...
          ერთი ფოთოლი მეორეს ეკვრის,
          დიდია ღამე...
          გალუმპულ ტოტზე ჩამოჯდა ჩიტი,
          გალობს...
          თენდება... 

     
                              ***                   
             
          მხარზე დამეყრდენ,ძმობილო ღამევ,
          რა მძიმე იყო მზე დღევანდელი,
          მოდი ვილოცოთ,ავანთოთ მთვარე
          უნაზეს ცაზე წმინდა კანდელი