სიყალბეს უკმევთ, ერთნაირად ლხინში და ჭირში.
ბედი ხომ გწყალობთ და ყისმათიც სულ თან დაგყვებათ,
თქვენ, საშობაო საკლავივით ყელგამოჭრილი....
და სისხლიანი მსხვერპლშეწირვა გეამაყებათ.

გაწირავთ, ყველას ვინც ოდესმე რამედ გიღირდათ,
თქვენ, სამსხვერპლოზე მიიტანეთ ჩვენი გულებიც
ვინც კი როდისმე ლექსი თქვა ან წაიღიღინა
თქვენ, ყველა პოეტს ემუქრებით განადგურებით...

სიძულვილს უძლებთ, ეგუებით ეშმას თილისმას.
და ჯვარის ნაცვლად, თავისქალის ღიმილს ატარებთ....
დაკარგული გაქვთ სიმშვიდე და მადლი დილისა.
თქვენ სიყვარული ქურუმივით სისხლს გაატანეთ...

სიკეთეს უფრთხით!- არ გაშინებთ გესლი და ჭორი,
ცდილობთ ცხოვრება არ მოიწყოთ სხვაზე ნაკლებად,
თქვენ, საშობაო საკლავივით ყელგამოჭრილი
და სისხლიანი მსხვერპლშეწირვა გეამაყებათ...