მოდი,
აღარ გავყვეთ რაღაც უხილავს,
გადავჭრათ თოკი, კისერზე გამობმული
და დავბრუნდეთ უკან.
მოდი,
კიდევ ერთხელ გავითვალოთ,
ვნახოთ, ვის რა ერგება
ან ვის უფრო მოუჭერს ბაწარი ყელზე...
მოდი,
ვაღიაროთ, რომ უკვე წავიქეცით, 
ვინმე დავიქირაოთ,
და ნურავის ვეტყვით,
რომ ის ჩვენს ჯვარს ზიდავს!
მოდი,
აღარ ვიყოთ ჩვენ
და უბრალოდ,
ვიყოთ მე და შენ
და ცალ-ცალკე გამოვიქცეთ წარსულიდან-
იქნებ
გზა აგვებნას
და
დავიკარგოთ!