ტალღამ მომიტანა ამბები დასავლეთის
და ახლა გავიგე რომ იქით წახვედი,
იმედებს დავიტოვებ რომ იქნებ ხვალესთვის
ჩემ ამბებს ჩამოგიტანს ეს ტალღა თავხედი.

რამდენი ხანია, საათებს ვერ ვითვლი,
რაც აღარ მინახიხარ ოცნების ნაგლეჯო,
ტალღის გადმოცემით კოცნას შემოგითვლი,
გული კი მეუბნება მე ჩემს თავს დავგლეჯო.

აწმყოში ზღვა გვექცა საუბრის გამცვლელად,
წარსულში ერთმანეთს გულებში ვლოკავდით,
მე ჩემი გრძნობების ვიქეცი დამცველად,
ვერავინ დააკლებს ვერაფერს დროთა ცვლით.