ძმებო, ოსებო და აფხაზებო!
ჩვენ ერთმანეთის არა გვაქვს ვალი,
დროა შევჩერდეთ, საკმარისია,
რაც მტრის წისქვილზე დავასხით წყალი.

დროა დავფიქრდეთ, სისხლისღვრით, ომით
როგორი დარჩა ჩვენს გულში კვალი,
და ჩვენს მომავალს, თაობას ახალს,
ჩვენს შვილებს როგორ ვუსწოროთ თვალი.

ქართველთა, ოსთა, აფხაზთა ძმობა,
მხოლოდ, ეს არის გმოსავალი,
დროა შეუნდოთ წარსული ერთურთს,
ერთი გვჭირდება ჩვენ მომავალი.

ძმებო, ოსებო და აფხაზებო!
განვაგრძოთ გზები ერთად სავალი,
სხვას არ გავუყოთ, ჩვენია მხოლოდ,
ამ ქვეყნის ზეცა, მიწა და წყალი.