ოლარი


                    ოლარით რომ შეიმოსა,
                    მივეახლე მოძღვარს რიდით.
                    სინანული, აღსარება,-
                    საიდუმლო გახლავთ დიდი.
                    უფალმა ხომ ჯვარზე გაკვრით
                    ჯოჯოხეთი აგვარიდა,
                    ვილოცოთ, რომ სიყვარულით
                    გადმოგვხედოს ყოვლადწმიდამ.
                    მოძღვრის რჩევა-დარიგებას,
                    თავდახრილი, მორცხვად  ვისმენ
                    და ვჩურჩულებ;-შემიწყალე,
                    უფალო, იესო ქრისტე!.



                                              პური



                          პაპის პეშვის ოფლით ნაპკურს,
                          ასაზრდოებს მადლი ღვთისა,
                          ოქროსფერ ზღვად გადაშლილა
                          ,,პური ჩვენი არსობისა''.
                            მკათათვეში ძნებად კრავენ,
                            კევრით ლეწენ თავთუხს რძიანს,
                            მწიფე თავთავს ჯვრად დაწნავენ,
                              ყანის მომყვანს დალოცვიან,
                              პურის ხვავი, ღვთის წყალობა
                              მთელ ქვეყანას უხარია.