ჯერ მთის წვერზე აფრინდნენ, ჩამოსხდნენ და მიხვდნენ, რომ იქ უფრო ციოდა, ვიდრე ბარში და მალევე ასწიეს გაყინული ფეხები მიწიადან. საერთოდ წეროებზე ამბობენ, სულ ერთად დაფრინავენო. გიორგობგის თვეს მიწას მოწყდებიან და დიდი ღრუბლისკენ მიფრინავენ, ისეთისკენ ყველა რომ დაიტიოს და თბილად აცხოვროსო. ნამდვილად კი იქნება სითბო ღრუბლებზე გიორგობის თვეში. სიმღერაც კი გამახსენდა გიორგობის თვეზე და წეროებზე, იმის მიუხედავად, ის სიმღერა არც წეროებს ეხება და საერთოდაც არ მახსოვს რას ეხება შინაარსობრივად... გიორგობის თვეზე რომაა ის ვიცი მარტო. ამ თვეში შემოდგომა მთავრდება ჩვენთან – საქართველოში. აი ახალ ზელანდიაში გაზაფხული მთავრდება და ზაფხული იწყება,– ბაჩომ მთხრა, იქ ცხოვრობს და გიორგობის მოსალოცად რომ დარეკა 6 თვის მერე მოვაო აქ გიორგობის თვე და მერე ზამთარიც მოყვებაო, მაგრამ ექვსი თვის მერე აღარ ავღნიშნავო გიორგობას ისიც მითხრა და ისე ჩაიცინა აშკარად შევატყე ჩვენებური – ქართული გიორგობა და წეროები მონატრებია.