შემომეხვიენ ბუერები არშიებად:
”ურჩხულს თუ გინდა მოერიო, -
არ შეება!”
მე მოვალ, - ვეღარ ვურიგდები
დარიგებას, -
უკან დახევა შურისმგებლის
არ იქნება.
მივალ და მესმის სახიფათო
რეკა ციდან...
და უცებ ჩემს წინ აღიმართა ზეკაცი და
მითხრა: ”შეჩერდი! ურჩხულის სისხლს
სარეცლიანს,
თუ რამე მოკლავს, მხოლოდ ის, რომ
არ ებრძვიან...”
გამეტების და ზიზღის შუბზე წამოგებული,
ბრმასავით დავალ ცის ქვეშ, როგორც ცაში ელია... -
მე მაიძულეს, გავმხდარიყავ შურისმგებელი, -
შურისმგებელი პოეტი კი - საშინელია!!!