(სილურჯისკენ გადახრილი ექსპრომტი)

ახლა,
გაუხეშებული ხელებით და ჩამქრალი თვალებით,
ახლა,
წყალნარევი ღვინოსავით მკრთალი ლექსებით
მოვილტვი შენკენ, ნამთვრალევი.
ახლა,
ყველაფერს ფერი აქვს ნაცრის,
ახლა, როცა სითეთრე
მოერია ყველა ფერს,
მე შენკენ მოვილტვი უხეში ხელებით,
ჩამქრალი თვალებით, ლექსების ნაღვენთით.
გავურბი სითეთრეს.
მოვილტვი შენკენ - სილურჯისკენ.
უძღები პოეტი,
უფერულ, ნაცრისფერ ფერთაგან...

მოვედი.