ეკლესიაში შევდივარ სალოცავად და
გონება მეფანტება...
ხატის წინ ვდგევარ ჩუმად და
დარდი მემატება...
სანთელი მიჭირავს ხელში და
ვერაფერს ვერა ვხედავ...
მის ანთებას ვლამობ და
ვერა, ვერა ვბედავ...
ასე ჩუმად ვდგევარ დაბნეული და
ყველას თვალს ვარიდებ...
იქნებ ისევ შევძლო, იქნებ...
წასვლას არ ვაპირებ,
ღმერთს მინდა შევთხოვო რაღაც და
სიტყვები არ ამომდის,
ვდუმვარ, ხმას ვერ ვიღებ, ვცდილობ და
მაინც არ გამომდის...
ღმერთო დამეხმარე.... ისევ, გზა მაჩვენე,
ეშმაკი მე რომ მებრძვის, შეაჩვენე!