დღეს წმინდა შიოს ნალოც ტაძრებში
და სარკინეთის კლდეებში ვიყავ,
ვიარე გზებზე, ცოდვილი კაცი
სულგანწმენდამდე ნებით რომ მიყავს.

ლოცვით შევედი ნესტიან მღვიმეს
და ვეამბორე შიოს წმინდა ძვლებს,
ვნახე წყაროთი ხორცის კურნება
და თვინიერი მგელი როგორ თვლემს.

ცოდვილსულიანს და ხორცით სნეულს
გამიხანგრძლივდა რწმენით სიცოცხლე,
ნეტარი შიოს მარჯვენა ხელით
ნაკმევ საკმევლის სუნში ვილოცე.