საპატრიარქოს კედლებში თუ ეკლესიაში,
თქვენს სანახავად გული წრფელად მომღერებია,
წირვის დასასრულს და მორწმუნე მრევლში მდგომარეს,
თავზე მე თქვენი თბილი ხელი მომფერებია.

თქვენი სიტყვები დაწერილი ხატივით მხიბლავს,
წყლიან თვალებში სიყვარული დაგსახლებიათ,
მიტროპოლიტის მანტიაშიც თავმდაბალი ხართ,
ამიტომ სულში სამუდამოდ ჩამსახლებიხართ.

რუის-ურბნისის ეპარქია ააგალობეთ,
ტაძრად აშენდით და მიეცით მონასტრებს სუნთქვა,
თქვენს ნალოცსა და ნატერფალზე დავდივარ კრძალვით,
ერის და ბერის მოძღვარო და სიცოცხლის სულთქმავ.

ხართ მწყემსმთავარი გულთბილი და ალალმართალი,
თქვენგან დალოცვილს ფეხი კენჭზეც არ წამომიკრავს,
მემახსოვრებით, მეყვარებით სულზე მზრუნველი,
სანამ სიცოცხლე უკანასკნელ ზარს ჩამომიკრავს.