ჩემს  უმრწემეს  შვილიშვილს  -  თამარს  -
სრულიად  საქართველოს  პატრიარქისგან 
ნათელღების  დღეს  -  13. 7.  2009.  წ..
     
        წუხელის  გოგოც  დაბადებულა,
        ცის  ნამი  -  ცისფრად  ნაკამკამარი!..
        ისეთი  გოგო  დაბადებულა,
        დაურქმევიათ  თურმე  თამარი!..

                                    ანზორ  აბულაშვილი         

     
აქოჩრილმა  მთებმა  - 
ქარით
გადივარცხნეს  კეფა ...
-  მობრძანდაო  თამარ-ქალი
მცხეთას  -  მირონცხებად !..

და  მზეც  არსად  არ  იჩქარის  -
მიშვებული  ნებას  -
( გზადშეყრილი  არაგვს  -  მტკვარი
რაღაც  ისეთს  ჰყვება ...)

აზიდული 
ზეცად
ჯვარი
წმინდას
დასცქერს 
ემბაზს :
-  გასცილდესო  ქართლსა  ჯავრი  - 
იმწუხრონო  მტრებმა !..

ნინოს  ღაწვზე 
-  ჯვართან  ჩავლის 
ჟამს  -  ცრემლები  შრება ,
ნიშნად  სიხარულის  -  მრავლის  -
ღმერთს  რომ  ჩვენთვის    ნებავს,
აუცხადებს  ვინც  ქართლს  მალე
ნანატრ-ნაოცნებარს !..
-  მოვალს  ჟამი  დასჯად  მავნის
და  იბერთა  შვებად !..

ჯვარიც,
ზვარიც,
ქარიც,
ზარიც  -
ახარებენ  ემბაზს :
-  მობრძანდაო  თამარ-ქალი
მცხეთას  -  მირონცხებად !!!
-  იბერია  ( უფლის  ძალით ! )
კვლავაც  ილოცება !


პატარა  თამარ-ქალი  ამ  თამარობას  უკვე  ორი  წლის  ხდება!
ყველას  გილოცავთ  -  და  განსაკუითრებით  ყველა  თამარს  -
დამდეგ  თამარობას!