მე არ მიგრძვნია შენდამი ზიზღი,
მე სიბრალულით გიძღვნი ლექსს მხოლოდ,
ჩემი ტკივილი და ჩემი დარდი
მინდა ამ სტროფებს ამოვაყოლო..

ქვა გაქვს თუ გული მაგ საგულეში?!
ბოროტი სული, როგორც ეს ტყვია..
მითხარ, თუ ღმერთი უშეცდომოა
მაშინ სახელად შენ რაღა გქვია?!

ბევრი მაგ სხეულს მზესაც ადარებს,
მაგრამ სატანამ დაიპყრო იგი,
სხვისი გრძნობები აღარ გადარდებს
და არც საკუთარს ეპყრობი რიდით...

რატომ ატყუებ თავად სიმართლეს?
სამოთხის კარი კვლავაც არს ღია..
სიამოვნებით ამსხვევ ყველაფერს,
რასაც კი შენთვის ძვირფასი ჰქვია!

ვიცი, ამ ჯერად მეც მტყუანი ვარ,
რომ მაინც მოგეც გულით შენდობა..
პირდაპირგეტყვი, არ დაგიმალავ
მე შენ გიწოდე ღმერთის შეცდომა..