როგორც შარშანდელი თოვლის ფანტელები,
ისე დამჩნევია თვალებს მარმარილოდ,
მზერა ამაყი და ოდნავ შიშნარევი -
ცდილობ ამარიდო ან შორს გამარიდო.
ვეღარ გავატანე შხამი - სადარდელი,
მართლა საფიცარო, შორს ხარ სანატრელო,
სიტყვას დამიზნებულს გულში დანანებით,
ცდილობ ამაცილო - გვერდზე ჩამიაროს.
ასე გაგრძელდება?
მკითხავს მატიანე,
ვეღარ დაგნებდები, სულში გეურჩები,
უფლის ძღვენი იყოს რაც მე ავიტანე!
ამას უკვე ვიცი ვეღარ გადურჩები.
ციხე-დარბაზები - თეთრი მარმარილო,
ბრწყინავს ოქროსფერი შიში განტევების,
ცდილობ ამარიდო,
ან შორს გამარიდო -
როგორც შარშანდელი თოვლის ფანტელები...