როდესაც ბედნიერებას დღეებს უთვლი
და თვლა გერევა,
სულ პირველიდან 28ე ალუბლების ყვავილობამდე.
როცა ყოველ დღეს ჟასმინივით ტკბილი ჩაის არომატი აქვს.
უბრალოდ გიწევს აღიარო,
განა იმიტომ მარტოობით რომ დაიღალე,
უბრალოდ ახლა სულ პირველად ხდება ამგვარად
და შენი ცხოვრების თითქმის ყველა მატარებელმა სწორ გზას მიაგნო.

უბრალოდ,გიწევს აღიარო, ხდება ამგვარად,
სუნთქვა არათუ ნოემბერში,
ნოემბრამდეც გიორმაგდება და
სიმშვიდეა ახლა ყველგან.ორმაგ სუნთქვებშიც.
გაყინული ხელის თითებიც ჯიბეს კი არა,
სულ სხვის თბილ ხელებს დაეძებენ უკვე ამჯერად
და ამ სიზმრებში გადახვეწის იავნანაც მის ხმაზე გადის.