მე ჩამოვედი კუნძულიდან
მანმადე კი ვიყავი ბალკანეთისპირეთში,
დაკარგული ბარგით, ერთი შარვლით
და ერთი მაისურით წარწერით,
ნიუ იორკში გიცდის ავტობუსი
ჭრელი ავტობუსი.
გუშინწინ წვიმდა,
გუშინ უფრო ქარი იყო,
დიდძუძუებიან ქალებს მაინც
არ სციოდათ,
მე კი გავიყინე,
ლავიწის ძვლები ისე აშკარად
მეტყობა და დეკოლტეშიც
არასდროს მიჩანს ხაზი ისე,
როგორც მკერდსავსე ქალებს.
იქ ევრიპაში ვიყავი
ბეატრიჩე ბელუჩი
ერთი დღით
და ვუყვარდი ვალეს
რამდენიმე საათით
მკოცნიდა ვალე
ამობურცულ ლავიწის ძვლებზე.
შუადღისას, სადილის მერე
გვქონდა სიესტა,
ოღონდ არასდროს
მეძინა თითქმის.
ყოველ საღამოს იყო
კაკუნი კარზე
და მე შეშლილივით
გავრბოდი გრძელ დერეფანში
ჭრელი კაბებით
საიდანაც ზოგჯერ გამოკრთებოდა
მუხლისთავები.
მერე მომბეზრდა ვალეს თითები
შეცურებული ჩემს თმაში
და წამოვედი,
ოღონდ აეროპორტში
შენ არ დამხვდი.