- როგორ ხარ? - ორსულად.
- რას შვები? - წყალს ვღვრი.
- სასწრაფოც მოსულა.
- დრო ნელა გადის.

მანქანის სირენა,
ჭედვაში დგანან,
მამიკოს გინება,
დედა გონს კარგავს.

და აი იმედიც,
კლინიკა მოსჩანს.
- გაძელი, მივედით...
ქალი კი ბოდავს.

ექიმი უხეშად
მივარდა მათთან,
შეჩერდა უეცრად
მანქანის კართან.

უმალ მის ბაგეთგან
გავარდა სიტყვა:
- ფული ან დაზღვევა,
პოლისი გვინდა.

სახეზე ალეწილს
გახედეს მამას,
რა ექნა?! არცერთი
არ ჰქონდა გლახაკს.

ქუჩაში დატოვეს
საწყალი ობლად,
ვით მკვდარი, მარტოდენ
ფეხმძიმე ცოლთან.

რას იზამ, სიკეთე
ფული ღირს ჩვენთან.
უძაღლოდ იწყებენ
კატები ყეფას...