მე და მზე ვსაუბრობთ...
        ეს ყოველ დილით ხდება... მზის ამოსვლისთანავე... როგორც კი პირველი სხივი ფანჯარას ხვდება... თუ აგვიანებს ვნერვიულობ და უაზროდ ვწრიალებ ლოგინში...
      როგორც კი ამოდის აივანზე გავრბივარ, ხელებს ვშლი, ხელისგულებს მივუშვერ და მთელი ხმით ვუყვირი: დილა მშვიდობისააა მზეოოო!!! გგონიათ მართლა ვყვირი? არა, ჩუმად ვარ, მხოლოდ ვუღიმი... ან კი რად მინდა ყვირილი?.. მზის ენა ხომ მარტო ჩვენ ორმა ვიცით... მე და მან... ეს ენა უტყვია... ბგერები გულიდან მოდის... თვალებით ვსაუბრობთ...
      ისიც მიცინის და იცით როგორ ბზრიალს იწყებს? ხელისგულებიდან შემოდის ტანში... მთელ სხეულს მივსებს, მეხუტება და მეფერება...
      სიზმრებს ვუყვები... ჩემს ლამაზ სიზმრებს... სიზმრები ფერადია და შინაარსიანი... ვერ ვიტან შავ-თეთრ, აბსტრაქტულ სიზმრებს...
    ისიც გულდასმით მისმენს... ამ დროს იცით როგორ ზის? ლოტოსის პოზაში და საოცარი სიმშვიდით მიყურებს...მერე ოცნებებს ვუმხელ და ვხალისობთ... იშვიათად რომ დამტუქსოს ოცნებებისთვის... დატუქსვაც საოცარი აქვს, აი ასე, უბრალოდ თავზე ხელს გადამისმევს და ჩუმად მეტყვის: " კარგი რაა... არ გინდა!"
      ვერ ვიტან ღრუბლიან ამინდს... ვიცი, რომ ამ დროს მზეც იტანჯება... ერთმანეთს დილით თუ ვერ შევხვდით, მთელი დღე გაბუსული დავდივარ და ისეც ტირილს იწყებს... დიდრონი, მსხვილი ცრემლებით...
    საცოდავ მოკვდავთ კი გონიათ წვიმსო... რა იციან, ეს მე და მზის შეუმდგარი საუბრის შედეგია... წვიმის მერე, მზის ამოსვლისთანავე ცისარტყელა დგებაო, რა სისულელეა... ეს ცისარტყელა კი არა მზისკენ სავალი ბილიკია, რომელსაც მე მიგებს, რომ თავისკენ გზა გამიკვლიოს და გულში ჩამიხუტოს მონატრებული... მეც ავრბივარ და მთელი ხმით ვუყვირი: მიყვარხარ მზეოოო!!!!!!
    რა უბედურია ის ვინც ერთხელ მაინც არ გასაუბრებია მზეს, არ ჩაუხედავს მის თვალებში და არ შეუგრძვნია როგორ შეუძლია მზეს სიყვარული...
    ამიტომ, როდესაც ადამიანს ვეუბნები: "შენ ჩემთვის მზე ხარ ამომავალი" თქოო და ეს ძალიან იშვიათად ხდება... იცოდეთ, ეს უბრალო ციტატა არაა ლექსიდან, ამას ჩემთვის სულ სხვა დატვირთვა აქვს...
    ეს მარტო მე და მზემ ვიცით...
    მიყვარხარ მზეოოო!!!
    სიცოცხლე მიყვარს!!!
    სიცოცხლე შენით მიხარიაააააააააა!!!
    "შენ ჩემთვის მზე ხარ ამომავალი!"......