ეს ის ქვეყანაა
სადაც გზებია არეული,
სადაც უნდობლობაა,
სადაც შენი ძმა შენივე მტერია,
სადაც თავისუფლება ფული ღირს და
სიყვარული ბანალურია.

ეს ის ქვეყანაა
სადაც ღალატი მოდაშია,
სადაც ერთმანეთის დამცირება-სიამოვნებაა,
სადაც მათხოვარი მდიდარია და
მდიდარი მათხოვარია.

ეს ის ქვეყანაა
რომელსაც რწმენა აქვს დაკარგული,
რომელიც მომავლის იმედით კი არა,
წარსულის დიდებით ცხოვრობს.

ეს ის ქვეყანაა
რომელიც დრომ ვერ განკურნა,
ქვეყანა სადაც მუდამ შიმშილი და ტკივილია,
ქვეყანა რომლის ცაზეც, მზე არ ანათებს და
მუდამ ცრემლების წვიმაა.

ეს ის ქვეყანაა
რომელიც იესოს მსგავსად-არის გაყიდული.
ქვეყანა რომელიც ობლად არის დარჩენილი,
როგორც მიტოვებული ეკლესია,
რომელსაც ეშმაკები პატრონობენ.

ეს ის ქვეყანაა
სადაც დავიბადე და გავიზარდე,
ეს ქვეყანა-ჩემი სამშობლოა,
ჩემი სამშობლო
-საქართველოა.

                                                      2012-02-15