გულში ჩავიკალი რაც კი მაწუხებდა
გრძნობებს ჩავუკეტე ყველა გასაქანი,
ნუთუ დამივიწყებ თუნდაც იმის გამო,
რადგან ასე რთულად გავხდი ასატანი.

ვიცი მოგბეზრდება მალე სიყვარული
და ცივ შუადღეზე მარტო მიმატოვებ,
მე კი ოცნებებით სავსე ბილიკებზე
ისევ ძველებურად, ჩემთვის ვიმარტოვებ.

ჩემი გულისცემა სხვისას ჩამორჩება
მერე გონებასაც ვეღარ ავაყოლებ.
ნაცნობ მთვარის შუქზე ჩემს ჩრდილს დავინახავ
დიდი მწუხარების მზერას გავაყოლებ.