მახურავს დიდი ჩალის ქუდი,
- მზე არ მაწუხებს,
უბრალოდ ჩრდილში ვმალავ ნაოჭებს.
თავს არ ვიტყუებ,
რადგან მაშინ ყველაზე მეტად მაწუხებენ, როცა არ ჩანან.
არც სხვას ვატყუებ,
-ყველამ იცის ასე ერთბაშად რომ ვიყიდე ამდენი ქუდი.
მე კეკლუცი ვარ, თვითკეკლუცი. . .
ქუდს დავიფარებ და ჩემს ფიქრსა და წარმოსახვაში,
ჩემსავე თავს ვეკეკლუცები,
ეს კი ადვილი არ გეგონოთ
(საკუთარ თავს გაეკეკლუცო)
კეკლუცობა დიდი ნიჭია
და ამიტომაც ,
თავი სხვებზე მაღლა მიჭირავს.
მოკლედ- ვიხურავ ჩალის ქუდს ვმალავ ნაოჭებს,
მასკარადი უკვე დაიწყო. . .