უკაცრავად, რომ ვაცოცხლებ აზრებს,
ხან მსგავს, ხან უმსგავსს რადგან არ ვგავარ.
უკაცრავად, რომ ვერ ვათბობ ზამთრებს,
ჩემთვის, ხან შენთვის ორ ფეხზე ვდგავარ.

უკაცრავად, რომ არ ვანგრევ სახლებს,
რომ ვხორციელობ, ლოცვისთვის არ ვარ.
უკაცრავად, რომ ვაშენებ განცდებს...
ღმერთს რისთვის ვყავარ,რომ არ მივყავარ.

უკაცრავად, რომ ხან ვერ ვცნობ ხატებს
და უკანასკნელ სურვილებს ვკარგავ.
მზეზე, რომ ვკიდებ მე ჩემს პრობლემებს
და  მიწას გულმკერდს ჭუჭყით ვუფარავ.

უკაცრავად, რომ სათქმელს ვამთავრებ,
უკაცრავად, რომ დანარჩენს ვმალავ...
უკაცრავად, რომ ვიჩემებ ფრაზებს...
უკაცრავად, რომ უკაცრავად ვარ.