აჭედილი თვალებით იყურება
სოფელი,
ხვალაც არვინ ჩამოვა -
გაზაფხული გავიდა,
დასტრიალებს მთვარეულს
ღამის მეფისტოფელი
მხოლოდ ერთი წამი და...
ისევ თავის თავიდან დაიწყება
ყოველი...
ნეტავ ცხელი ზაფხული
დამავიწყებს ბინულებს?
თუ, იქნება ისევე შენი მზერა
მზაკვრული,
ხო,
მზის  სხივო გიყურებ,
გიყურებ და ვიბნევი...
წერილს ვწერ და ახლა ვგრძნობ,
ჩემი ყოფის სირთულეს.
...თონის პირას დაორთქლილ დოქს
და შოთებს ალმური -
ასდის, დასდის წვეთებად ცერის ხელა ცრემლები,
გერგეთის მთას ვუყურებ - მარიამის ხატებას...
ვუყურებ და სოფელი გელოდება ფერებით...
აჭედილი თვალებით...
აჭედილი თვალებით...