ყველაფერი მოხდა ისე უცებ
იქნებ მაშინ შენ იყავი ბავშვი,
ახლაც მახსოვს მდინარეზე, როგორ
ჩაგიბწენი გაზაფხული თმაში.

მერე მახსოვს ის დღეები მუქი
ცისარტყელას რომ ურევდნენ ფერებს,
მერე, უცებ ადექი და წადი
ამინდებმაც აურიეს მერე.

წახვედი და ცას გაუწყდა მძივი,
დაეფანტა თეთრი ღრუბლის ფარჩა,
წახვედი და მაგ ნაფერებ თმებში
გაზაფხულის სურნელება დაგრჩა.

ვარდობის თვეს ბევრი რამე მოხდა,
ყველაფერი აირია ფერში,
ახლაც მახსოვს მდინარეზე, როგორ
ჩაგაბწენი გაზაფხული თმებში.