ყოველთვის უფრო მეტია იგი, ვინც გვატკინა და ვაპატიეთ.
ვიდრე- იგი, ვისაც არასდროს არ უტკენია,
ამიტომაც, მე პირველმა გაგემე სილა,
მე გამოგკაწრე პირველმა ყელი,
მე გაგწირე და გაგიმეტე,
მასხრად აგიგდე, დაგცინე და ვაცინე სხვებიც.
მე დავინახე პირველმა შენი სისხლი და ცრემლი,
მე მიხაროდა ყველაზე მეტად შენი ტკივილი
და საუკუნო მიტევებასავით მომღიმარი შენი ჭრილობა.
-ამიტომაც მე დამკლდი ყველაზე მეტად,
მე ამტკივდი,
მე დაგიტირე.
და ახლა, თუკი მართლა შეძლებ რომ მაპატიო.
რომ გაიგო ჩემი ტკივილი
ჩემს მიერვე მოყენებული ტკივილის გამო,
მოვალ შენთან ,ჩაგეხუტები და დავიძინებ.