გურიის მთებზე თოვლი დამდნარა
და ბახმაროში ისევ სიო ქრის,
ჩვენც გვყვარებია ბევრი ქალშავა,
ლექსები გვითქვამს გალაკტიონის.
თუმც ამ თვალებში ბევრჯერ ჩამდგარა
სიხარულის თუ მიმწუხრის ცრემლი,
წელში არცერთხელ არ გადავმტყდარვართ,
არ გაგვითელავს კრწანისის ველიც.
საქართველოს მზით გათანგულებმა
სულმოუთქმელად მთის წყაროც შევსვით,
თუ წავალთ - მოვალთ გაზაფხულებად
და გაიხარებს ქართული ფესვი.