რეცეპტი

  აიღეთ ბლომად მსუყე პატივმოყვარეობა,
შეაზავეთ ძველ, გამომშრალ სნობიზმთან,
მოაყარეთ ლაღი არტისტიზმი (ისე რომ გაუჯდეს), უქენით მსუბუქი არხეინობა, ნეტარი მცონარობა (გემოვნებით)
მოტკბო ბაქიაობა დააჭერით (ზომიერად რომ არ დაატკბოთ)
მოასხით სველი ენაწყლიანობა (ისე რომ არ გაწყალდეს)
მოაფრქვიეთ შავი შური, მორთეთ ცხარე გაუტანლობით,
ოღონდ არამცდაარამც არ მოხადოთ ხელგაშლილობის მსუბუქი ქაფი. დადგით თაკარა მზეზე. აღმოსავლეთით შეუნთეთ ცეცხლი, რომ შეიბოლოს და
დასავლეთიდან აპკურეთ ნელსურნელება (არომატისათვის) დააცადეთ დაახლოებით მილიონრვაასიათასი წელიწადი
შეფუთეთ დასავლური სიმკაცრით და აღმოსავლური მაქმანებით
და თქვენ მიიღებთ ნუგბარს სახელწოდებით
,,გეორგიანუს ვერუს”