გადაუფრინეს მერცხლებმა
შუქით შემოსილ მთა-გორებს!
ლამაზის თვალთა ცეცება
სიყვარულის წლებს მაგონებს!
ყურთ ჩამესმოდა ვედრება,
მზე დასცქეროდა ლელიანს!
იმ გრძნობას რა შეედრება,
რომელიც მართლა წრფელია!
გულს სიყვარული გვქონია
ზეციდან გარდამოსული!
ქალი ბულბული მგონია
ინდოეთიდან მოსული!
გადაუფრინეს მერცხლებმა
შუქით შემოსილ მთა-გორებს!
ლამაზის თვალთა ცეცება
შორს გაფრენილ წლებს მაგონებს!