რაკი ვერაფრით გიმსუბუქებ,
რა შემიძლია?
თითქოს ვერ ვხედავ,
თითქოს არ მესმის,
თითქოს ვერა ვგრძნობ,
დავხუჭავ თვალებს
-და მეშინია,
რომ შენი სისხლი დამეწვეთება ახლა სახეზე,
გამომაფხიზლებს,
და პირისპირ აღმოვჩნდები სწორედ მასთან,
რასაც ასე გავურბივარ და ვემალები.
დახუჭული მაქვს მაინც თვალები,
თავჩარგული ვარ საკუთარ სულში და მუცელში,
თითქოს მშვიდად ვარ
-და ველოდები,
რომ პირისპირ აღმოვჩნდები,
შენი სისხლის წითელ წვეთებთან.