სამი. ორი. ერთი.
მოდის თეთრი ღმერთი.

1
გაბზარული
რული.
ღამე თეთრად
მითრთის.
სამი. ორი. ერთი.
კეთრი.
თეთრი ფითრი.
მკვეთრი ნაკვთი.
ფაქტი.
გინდ მოკვდი გინდ  ჩაკვდი.
სული:
სრული მრგვალი.
ცეცხლის ალი.
სუნი.
დღე გასული ფონზე.
ღამე რითმებს მოზელს.

2
ველური ტვინი.
რამე მარტივი.
ხანდახან რთული,
ხან დახატული.
წყებები ფრაზის
ლურჯი ნაფაზი.
სიცარიელე,
ხანაც სისავსე,
-ვითვალიერე-
მოვკვდი იმწამსვე.
ჩემგან წავიდა.
ვიწყებ თავიდან.
რთული ორბიტა
ისევ  მომინდა.

3
სიბნელე.
შიში თან
შემშლელი.
შიმშილი.
ხაზები.
და ნუ ინაზები.
მიბნევენ ყვავილებს
ეკლიან გვირგვინში…
წავიდა
წამიდან მოსული.
თუ წყევლით ორსული.
და შობა
ბავშვობა.

ერთი. ორი. სამი.
მე ის ვერ ვიცანი.