მთავარი გვერდი
პორტალის შესახებ
რეგისტრაცია
ნაწარმოებები
კომენტარები
რეცენზიები
დღიურები
წევრები
ლიტ-მოვლენა
ილუსტრაცია
მოგვწერეთ
ძებნა
ფორუმი
გამარჯვებას ვუსურვებთ გმირ უკრაინელ ხალხს რუს აგრესორზე.     * * *     დიდება უკრაინას !!! Сла́ва Украї́ні !!!

ავტორი: თენგულა
ჟანრი: პოეზია
22 იანვარი, 2013

მაგ სილამაზეს მამზირო

მე კვლავ შენთან ვარ იცოდე,
სხვაგან არა მიჩნს არადა,
შენზე ფიქრები მამხნევებს,
მიგულე გვერდით მარადა.
არაფერს არ დაგიშავებ,
აგედევნები ლანდადა,
ნიავსაც წინ აღვუდგები
არ მოგაკარებ შარადა,
ხელი არა მკრა, ძლიერ გთხოვ,
გულს ნუ გამიყობ ორადა,
მას ერთი უნდა, სხვა არ სურს,
მხოლოდ ერთს უდგას მონადა.
ბაგე გახსენი, დამინდევ,
ბევრს მე არა გთხოვ რამესა,
დილით თუ ერთს გამიღიმებ,
ვიკმარებ მთელსა ღამესა.
გათენდეს კვლავ შემაშველო,
მაცოცხლო ერთხანს იქნება,
მაგ სილამაზეს მამზირო,
შენს სულს, რომ გადმოდინდება.
უფალმა რა გქმნა ასეთი,
შენი ჭირიმე შენია,
შენი ვარ, შენთვის მოვკვდები,
სანამდე სულ შემრჩენია.
კომენტარები ილუსტრაციები რეცენზიები