წვიმა აღვიძებს ჩემში სიშლეგეს,
ჭექაქუხილი მაგიჟებს სულ მთლად.
ციური წვეთი გულს მიწკაპუნებს,
გრძნობას მიხელებს, მიხშირებს სუნთქვას.

თუ დამამშვიდებს, შენი ალერსი,
დავრბივარ, ვყვირი, გეძახი... სად ხარ,
თავსხმა წვიმაში მე შენსკენ ვილტვი,
ვეღარ ვჩერდები საკუთარ თავთან.

მინდა, რომ ძლიერ ჩამეკრა გულში,
მკერდს მიმშრალებდეს თმები კულულით,
ამოგიშანთო კოცნით ცრემლები,
და დაგვრჩეს ჩვენ ორს წვიმის კუნძული.