შანელის ქუსლებმა ჩაიბუტბუტეს ჩემი სახლის წინ, ჩვეულ დროს. პატრონი, რომელსაც ისინი ფლობდნენ, სრულებით ვერ ფლობდა "პახოდკას". სახე კი ბედნიერების მაზოლებს ასხივებდა..
ბავშვობაში ვოცნებობდი... საოცარია, აღარც კი მახსოვს რაზე. სამაგიეროდ, " ifone 5" ჯიბეშია და ბედნიერებამ პიკს მიაღწია.
ის საოცარი მომენტი, როდესაც ბავშვობის ყულაბას ამსხვრევ და აცნობიერებ, რომ მხოლოდ 20 თეთრი გაკლდება კაბაზე, რომელიც ესე მოგეწონა და თვლი, რომ ნაკოწიწები წლები ამად ღირდა... მხოლოდ იმას ვერ ვხვდები, რას ნიშნავს სიცარიელე, რომელსაც ამ კაბის ჩაცმისას განვიცდი.
რა უსუსურები ვართ ადამიანები...
სქელტანიან წიგნებში წერენ, რომ ბედნიერება, ეს არის შეგრძნება, რომლისკენაც მუდმივად მიილტვის ადამიანი. იმასაც ამბობენ, რომ ფული და ფუფუნება მე-30457934 ხარისხოვანია, რომ ბედნიერება აბსტრაქციაა.. უბრალოდ განცდა, ეგოისტური, ტკბილი და დამსახურებული. დროსა და სივრცეში ამ გრძნობამ არაერთგზის რეინკარნაცია განიცადა. დღეს მის რეცეპტებს facebook-ის ქუიზებშიც წააწყდებით. წარმატებები!

პ.ს. ხვალიდან დიეტაზე ვარ..