შენი ხმა მაღელვებს, და მერე მამშვიდებს,
ძალიან მიზიდავს, სმენა არ მწყინდება,
ვსაუბრობთ საამოდ, მორცხვად თვალს მარიდებ,
მჭირდები, უშენოდ მე გამიჭირდება.
რა მოხდა, ვაშავებთ? ერთად თუ კარგად ვგრძნობთ,
ვინმეს შურს?  სიყვარულს იმათთან  გავიყოფთ,
გაუშვი, წაიღონ, უყვარდეთ, იხარონ,
და მერე ჩვენ ისევ ხელახლა დავიწყოთ.
ყველა რომ მივიღოთ,  სულ გვქონდეს მზად  გული,
გვიყვარდეს.  გიყვარდეთ, ხელები ჩავჭიდოთ.
უარი უთხარით ბოღმას და სიძულვილს,
ბოროტი განვდევნოთ, უფალი ვადიდოთ.