მამალმა სამჯერ იყივლა დილით..
სიჩუმე ქარბუქის, ტორნადოს გულში
ყოველი დილა იწყება ასე
თუმც არ გამიცვლია უფალი ფულში.
სამჯერ უარყოფილს სინდისი მიხმობს
მასაც უარყოფით ვპასუხობ ისევ
როდემდე შევძლებ არ ვიცი ღმერთო
თავის მოტყუება უაზროდ მიწევს.
ყივილი-უარყოფა
სინდისი -სინანული
გლოვა და ზიარება
ტაძარში სიარული.
მამლის ყივილამდე სამჯერ უარყოფა
შიში მიწიერის, თუმცა სიყვარული.
მამალმა სამჯერ იყივლა დილით..
სიჩუმე ქარბუქის, ტორნადოს გულში
ყოველი დილა იწყება ასე
თუმც არ გამიცვლია უფალი ფულში.

ბექა გოგატიშვილი