პატარა  გოგო  ლოცვანით  ხელში
სანთელს  აანთებს, მასავით წმინდას
”ღმერთო  მიცოცხლე  ჩემი  დედიკო
  ღმერთო  მიცოცხლე  მე  მამაც  მინდა
  მამი  იცოდე  მე შენც  მიყვარხარ,
  მე ხომ  შენი  ვარ  სისხლისმიერი
  ღმერთი  შეგინდობს,  მეც  გაპატიებ,
  თუკი  უჩვენოდ  ხარ  ბედნიერი”
  გავა  წლები  და  ხარკად  წაიღებს
    პატარას  გულში  შემალულ  სევდას
    ის  გაიზრდება,  მისი  მომავლით
    გულის  იარას  მოურჩენს  დედას.
    პატარა  გოგო  ლოცვანით  ხელში
    სანთელს  აანთებს, მასავით  წმინდას
    და  უფლის  ნება  ნათელს  მოაფენს
      სიყვარულს  მისცემს მას გზად  და  ხიდად.