დამიმახსოვრე, მე წავალ ვიცი...
მალე დავხუჭავ ჩემს წყლიან თვალებს,
დიდხანს მიყურე და კარგად მიხვდი,
რამხელა ძალა გვქონია ქალებს...
დამიმახსოვრე, მე წავალ ვიცი...
და, მინდა შენში უსაზღვროდ დავრჩე,
ისე უსაზღვროდ მე, რომ მიყვარხარ,
ეგ სიყვარული, იქაც, რომ გამყვეს.
იქაც გამათბოს, და იქაც დამათროს,
შენმა მონატრებამ გზა გამილამაზოს,
დამიმახსოვრე, მე წავალ ვიცი...
წავალ და ქვეყნად დავტოვებ ტკივილს,
ტკივილს, თვალებზე ცრემლად რომ მიზის,
მე როცა წავალ, იწვიმებს ვიცი...
დამიმახსოვრე, მე წავალ ვიცი...
და, შენს თვალებში დავტოვებ ტკივილს,
დამიმახსოვრე, მე წავალ ვიცი...