ბაღში ხე დამირგეს თუთის,
ყვავილს, გადამჭკნარებს ჩრდილავს,
დგება ხმამაღალი მწუხრის
ღამეწართმეული დილა.

ჩუმი კაკუნია კარზე,
თითქოს მომავლიდან არტყამ,
ვშიშობ ჩემს ეზოში ამ ხეს,
თუთა არ გაუხმოს გვალვამ.

ხელის კანკალებით ვუდებ,
ტყვიას ბედისწერის ვაზნას
და მხარს ჩემებურად ვუჭებ
„რუსულ რულეტკასთან“ თამაშს.

დადგა ხმამაღალი მწუხრის
ღამენათენები დილა,
ბაღში ხე დამირგეს თუთის,
ყვავილს, გაკვირტულებს ჩრდილავს.